ម្ចាស់បេះដូងបង
ថាវីនគឺជានាយកក្រុមហ៊ុនវ័យក្មេង រូបរាងសង្ហា ជាទីចោមរោមរបស់ក្រមុំនានា តែគេមានគូដណ្ដឹងទៅហើយ។ សាណាលីនជាឈ្មោះរបស់នាង ស្ថិតក្នុងវ័យ១៩ឆ្នាំ សម្រស់នាងគឺល្អដូចឈ្មោះអ៊ីចឹង។ មកពីនាងស្អាតពេក ទើបថាវីនចេះតែមានអារម្មណ៍នាងប្លែក ហើយមានអាថ៌កំបាំងច្រើន?
នាងបានទៅរស់នៅបរទេស៤ឆ្នាំ ពេលត្រឡប់មកវិញនាងដូចជាផ្លាស់ប្ដូរ មិនសូវយកចិត្តទុកដាក់នឹងគូដណ្ដឹងខ្លួន ស្លៀកពាក់សិចស៊ី មិនតែប៉ុណ្ណោះថាវីនតាមទាន់នាងរាំឱបគ្នាជាមួយថៅកែព្រាននារីទៀត។
ទោះបីជាទាន់នឹងភ្នែកក៏សាណាលីននៅតែឆ្លើយថា ថៅកែព្រាននោះគឺជាមិត្តរបស់នាង ស្ដាប់ហើយធ្វើឱ្យថាវីនឈឺចិត្តស្ទើរស្លាប់ស្ទើររស់។ ណាលីនចាកចេញពីផ្ទះ បន្ទាន់ពីនិយាយស្ដាប់គ្នាមិនបានជាមនុស្សជាទីស្រលាញ់។ មាត់នាងថាស្រឡាញ់ និង សុំទោស តែជើងនាងឈានជើងដើរចេញពីជីវិតអ្នកដែលស្រឡាញ់នាងបំផុត។
