ផ្លូវទៅភពមនុស្សស្លាប់
ជាវាសនារបស់ក្មេងស្រីម្នាក់កើតចំថ្ងៃដែលមេព្រាយងាប់ ហើយក្មេងម្នាក់នោះមានរាសីត្រូវគ្នាជាមួយនឹងពួកខ្មោចបិសាច ដូច្នេះហើយទើបពួកវាទាំងនោះប្រឹងធ្វើគ្រប់យ៉ាងដើម្បីអន្ទងព្រលឹងនាងយកទៅគ្រប់គ្រង។ ប៉ុន្តែក្មេងស្រីនេះ មានបងប្រុសម្នាក់ដែលមានបារមីគ្រូកាន់ តែគេមិនដឹងខ្លួន ហើយក៏មិនដែលជឿលើអបិយជំនឿទាំងនេះដែរ។
រហូតថ្ងៃមួយដែលប្អូនស្រីដេកសន្លប់មិនដឹងខ្លួន ហើយក៏គ្មានគ្រូពេទ្យណាមកជួយបាន ទើបបុរសជាបងសម្រេចចិត្តថាទៅជួយប្អូន នៅឯកន្លែងឃុំឃាំងរបស់ពួកព្រាយ។ គេមានពេលតែធូបមួយសរសៃប៉ុណ្ណោះ ដើម្បីធ្វើដំណើរទៅភពមនុស្សស្លាប់ ហើយប្រសិនបើគេមិនអាចមកទាន់ពេលទេ នោះនឹងត្រូវស្លាប់ជាមួយនឹងប្អូនស្រី។
