វិញ្ញាណឆ្មាសម្បុរបី
នៅយប់មួយក្មេងប្រុសម្នាក់ រើសបានកោដ្ឋមួយ ហើយយល់ច្រឡំថា វាគឺជាមាស ឃើញហើយត្រេកអរណាស់ រត់ត្រុយយកវាទៅឱ្យឪពុកម្ដាយខ្លួន។ លុះលោកទាំងពីរមើលរួច ក៏កើតខឹងកូនប្រុសណាស់ មិនគួរណាកូនល្ងើទៅរើសកោដ្ឋដាក់ឆ្អឹងដែលគេបោះបង់ចោលមកផ្ទះបែបនេះសោះ។
ឪពុកក៏ជិះកង់ជាមួយកូនទៅកន្លែងដែលរើសបាននោះ រួចក៏កាយដីដាក់រៀបរយដូចដើមវិញ ពេលរួចរាល់ហើយ ងើបរកមើលកូន ស្រាប់តែជិះកង់មកចោលគាត់បាត់ស្រមោលឈឹង។ មកដល់ផ្ទះគាត់រអ៊ូខឹងកូនខ្លះៗដែរ ថាកូនជិះកង់មកចោល តែប្រពន្ធបានឃើញកូនជិះកង់ត្រឡប់មកផ្ទះជាមួយឪពុកកាលពីមុននេះហើយ ម៉េចបែរមកដើរនិយាយខឹងកូនជិះកង់ចោលអ៊ីចឹងវិញ?