បំណុលលុយម្ចាស់បេះដូង
កល្យាណីនិងសុបុត្តគឺជាគូស្នេហ៍នឹងគ្នាតាំងពីថ្នាក់វិទ្យាល័យ។ ពួកគេក៏មានមិត្តភ័ក្ដិបីនាក់ទៀតដែរ ដែលស្រឡាញ់រាប់អានគ្នាដូចបងប្អូន រៀនជាមួយគ្នា ហើយធ្វើការជាមួយគ្នាទៀតផង។
ចំណងស្នេហ៍រវាងកល្យាណី និងបុរសរម្យទមសុបុត្ត ក៏កាន់តែជិតដល់ពេលដែលពួកគេបានរំពឹងទុកហើយដែរ ប៉ុន្តែមួយរយៈនេះ រាជិនីសម្រស់ហាក់បង្កប់ភាពមួហ្មងក្នុងកែវភ្នែកដ៏ស្រទន់ ជាមួយនឹងទឹកមុខស្រពាប់ស្រពោនគ្រាខ្លះដែលបានត្របាក់យកស្នាមញញឹមដ៏ស្រស់សោភាពីវង្សភក្ត្រមូលដូចដួងចន្ទ ដោយសារនាងត្រូវធ្វើរឿងមួយដែលមិនអាចប្រាប់អ្នកណាបាន គឺធ្វើដើម្បីដោះដូរនឹងលុយដែលនាងជំពាក់បុរសអ្នកមានម្នាក់។
