ជាងកាត់ដេរ និងស្មូមគមខ្នង
បុរសអូម៉ាគឺជាជាងកាត់ដេរមួយរូបដ៏ល្បីឈ្មោះ គាត់បានរស់នៅសុខដុមជាមួយភរិយាតែមួយគត់របស់គាត់ ប៉ុន្តែគ្មានកូនចៅញាតិផៅសន្តានអ្វីឡើយ។ ព្រឹកមួយ ពេលដែលបុរសជាងកាត់ដេរកំពុងអង្គុយធ្វើការយ៉ាងរវល់នៅមុខគំនរសូត្រព្រែ ចៃដន្យគាត់បានសម្លឹងទៅខាងក្រៅក៏ប្រទះភ្នែកឃើញស្មូមសំគមម្នាក់អង្គុយច្រងុកហត់នឿយអស់កម្លាំងហាក់គ្មានអាហារជាច្រើនថ្ងៃមកហើយ។
ដោយសារសេចក្ដីអាណិតអាសូរស្មូមកម្សត់នោះខ្លាំងពេក អូម៉ាបានហៅឱ្យគាត់មកក្នុងហាងរបស់ខ្លួន ហើយក៏បរិច្ចាគចំណីអាហារឆ្ងាញ់ៗ និងផ្ដល់មនោសញ្ចេតនាដូចជាគ្រួសារជាមួយស្មូមអនាថា។ ប៉ុន្តែបន្តិចក្រោយមក ស្រាប់តែមានរឿងមួយបានកើតឡើង ធ្វើឱ្យជាងកាត់ដេរនិងប្រពន្ធភិតភ័យយ៉ាងខ្លាំងរកតែរត់គេចខ្លួនក៏រត់មិនរួច។
ស្មូមចាស់ស្លាប់បាត់បង់ជីវិត ពួកគេក៏យកសពនោះទៅបោះចោលទៅផ្ទះដទៃ ក្រោយមកសពផ្លាស់ពីផ្ទះមួយទៅផ្ទះមួយទៀតមិនឈប់ រហូតដល់ធ្លាក់ដល់បុរសស្រវឹងស្រាម្នាក់ គេចោទគាត់ថាជាឃាតករ។ រឿងនោះបានជ្រាបដល់ស្ដេច ទ្រង់ក៏ចាត់ឱ្យគេស៊ើបរកការពិត ក្រោយមកទើបដឹងថា ស្មូមចាស់គឺស្លាប់ដោយឆ្លាក់ឆ្អឹងត្រី គឺគ្មានអ្នកណាជាអ្នកសម្លាប់នោះទេ បុរសដែលឱ្យម្ហូបអាហារគាត់ដំបូងក៏រួចទោសជាមនុស្សធម្មតាវិញ។
