ព្រះនាង Cinderella
Cinderellaជាឈ្មោះក្មេងស្រីម្នាក់ដែលមានរូបសម្រស់ស្រស់ស្អាតលើសក្មេងស្រីនានា ហើយថែមទាំងឆ្លាតនិងមានចិត្តល្អទៀតផង។ មានក្មេងស្រីស្របាលគ្នាមិនតិចទេ ដែលមានចិត្តលួចច្រណែននឹងសម្រស់ដ៏ល្អឯករបស់នាង។ មនុស្សចាស់ជាច្រើនបានពេញចិត្តនាង ព្រោះតែនាងគឺជាក្មេងស្រីដែលមានចរិតសុភាពរាបសានិងចេះតស៊ូអត់ធ្មត់ខ្លាំង។
ដោយសារតែម្ដាយរបស់ Cinderella ស្លាប់ចោលទៅ ឪពុកនាងក៏យកប្រពន្ធថ្មីជាស្ត្រីម៉េម៉ាយមានកូនស្រី២នាក់ផង។ Cinderella ត្រូវរស់នៅជាមួយម្ដាយចុងទាំងបង្ខំចិត្ត ប៉ុន្តែជារៀងរាល់ថ្ងៃម្ដាយចុងចិត្តអាក្រក់ មិនដែលបានមើលថែរក្សាចាត់ទុករូបនាងជាកូនឡើយ។ ផ្ទុយទៅវិញ គាត់តែងតែប្រើកូនចុងឱ្យធ្វើការគ្មានដឹងថ្ងៃយប់ គ្មានយល់នាងឈឺឬហត់នឿយយ៉ាងណាទេ គឺដឹងតែប្រើធ្វើបាបហើយសើចសប្បាយ។