ខ្មោចស្រីកណ្ដាលក្រុងសៃហ្គន
ជាសាច់រឿងខ្មោចបែបប្រវត្តិសាស្ត្រនៅប្រទេសវៀតណាមដែលគ្រប់គ្នាធ្លាប់តែបានឮតៗគ្នា។ មានសារមន្ទីរមួយនៅទីក្រុងសៃហ្គនដែលដើមឡើយគឺជាគេហដ្ឋានរបស់គហបតីចិនមួយរូប និងត្រូវបានគេនិយាយតៗគ្នាពីមាត់មួយទៅមាត់មួយថា វាជាភូមិគ្រឹះខ្មោចដ៏គួរឱ្យខ្លាចបំផុត។ ខ្មោចស្រីដែលធ្លាប់លងបន្លាចគេឯងទាំងចាស់ទាំងក្មេងនោះ ព្រលឹងនាងនៅតែលតោលច្រើនឆ្នាំក្នុងផ្ទះដ៏ធំនោះមិនព្រមទៅចាប់ជាតិឡើយ។ រឿងរ៉ាវគេហដ្ឋានរបស់ពាណិជ្ជករហួបានក្លាយជាប្រវត្តិរឿងខ្មោចមួយដ៏ល្បីល្បាញរបស់ប្រជាជននៅក្រុងសៃហ្គន។
