អ្នកដទៃម្នាក់នេះ ស្រឡាញ់បងហើយ!
ពីមនុស្សដទៃពីរនាក់ ក្លាយជាសង្សារជាប់កិច្ចសន្យា ចុងក្រោយក៏ស្រឡាញ់គ្នាដោយមិនដឹងខ្លួន។ រក្សា ជានារី single អាជីពម្នាក់ដែលមិនធ្លាប់មានសង្សារពីមុនមក ព្រោះតែមុខមិនសូវស្អាត និងមិនចេះតែងខ្លួន។ ថ្ងៃមួយ នាងត្រូវបុរសមិនដែលស្គាល់គ្នាម្នាក់ហៅនាងថាសង្សារ។ ដោយការយល់ច្រឡំ រក្សា មិនបានសួរនាំអ្វីច្រើន ក៏វៃបុរសនោះខៀវភ្នែក ព្រោះយល់ថាគេជាមនុស្សរោគចិត្ត។ គ្រប់យ៉ាងប្រែក្លាយជារឿងស៊យសម្រាប់ រក្សា ក្រោយពីនាងបានដឹងថាបុរសរោគចិត្តនោះ ការពិតជាអ្នកគ្រប់គ្រងថ្មីរបស់នាង។ ព្រោះតែខ្លាចគេប្ដឹងពីបទប្រើអំពើហិង្សា រក្សា ក៏ត្រូវធ្វើការងារមួយឱ្យគេវិញ គឺបន្លំខ្លួនជាសង្សារក្លែងក្លាយរបស់គេ ដើម្បីឱ្យគេគេចផុតពីការចាប់បង្ខំរៀបការរបស់ឪពុកម្ដាយ។ តើក្រោយពីក្លាយជាសង្សារអ្នកគ្រប់គ្រងរូបសង្ហា ជីវិតរបស់ រក្សា នឹងប្រែប្រួលយ៉ាងណា? តើពួកគេអាចស្រឡាញ់គ្នាមែនទែនដែរឬទេ?