ក្ដីសុបិន
មុនដំបូងមជ្ឈមណ្ឌលនៃក្ដីសុបិន បានជួយសម្រេចបំណងភារៈដែលចង់ស្លាប់ ព្រោះខ្វះភាពកក់ក្ដៅពីម្ដាយ។ ក្នុងរយៈពេលមួយសប្ដាហ៍ ភារៈដឹងថាការពិតម្ដាយរបស់គេស្រឡាញ់គេណាស់ ហើយគេក៏ស្ដាយក្រោយចំពោះអ្វីដែលគេបានប្រាថ្នាដែរ។ បន្ទាប់មកទៀតមជ្ឈមណ្ឌលនៃក្ដីសុបិនបានទៅរកធីតា ដែលស្រលាញ់ប្ដីខ្លាំងពេក ហើយតែងតែគិតថាខ្លួនឯងមិនស្អាត។ តែនារីបុគ្គលិកមជ្ឈមណ្ឌលនៃក្ដីសុបិន បានសរសើរថាធីតាស្អាតណាស់។ ក្រោយមកធីតាបានតាំងចិត្តថានឹងសម្រេចបំណងប្រាថ្នារបស់នាងដោយខ្លួនឯង។ លោកផាន់ណាក់ បានមកដល់មជ្ឈមណ្ឌលនៃក្ដីសុបិនតាមរយៈការយល់សប្ដិ។ ក្ដីប្រាថ្នារបស់គាត់គឺចង់បានលុយសម្រាប់កូនៗនិងប្រពន្ធរបស់គាត់ ប៉ុន្តែគាត់គិតខុសស្រឡះ។ គាត់ត្រូវបាត់បង់គ្រួសារព្រោះតែគាត់គ្មានពេលវេលាសម្រាប់អ្នកផ្ទះ។