ប្អូនធម៌ប្ដីខ្ញុំ
តុលានិងលំអងទើបតែរៀបការថ្មីថ្មោង ហើយមករស់នៅតែពីរនាក់ដោយជួលផ្ទះតូចមួយនៅភ្នំពេញ។ ក្នុងនាមជាអ្នកធ្វើការដូចគ្នា ប្ដីប្រពន្ធថ្មីមួយគូនេះមិនសូវមានពេលវេលាច្រើន ក្រៅតែពីពេលយប់ទេ។ ដោយជិតដល់ពេលវាយតម្លៃការងារដំណាច់ឆ្នាំ តុលាត្រូវប្រឹងធ្វើការរហូតដល់យប់ជ្រៅទើបមកផ្ទះ។
តុលាបានរាប់អានសម្បត្តិដែលចាត់ទុកគ្នាជាបងប្អូនធម៌ និងតែងឡើងចុះផ្ទះពួកគេជាញឹកញាប់ រហូតពេលខ្លះលំអងសុំឱ្យប្ដីទៅគេងនៅផ្ទះសម្បត្តិ ពេលមិនអាចមកផ្ទះ ព្រោះយប់ជ្រៅបាន។ ថ្ងៃមួយ លំអងបានឃើញឆាតក្នុងទូរសព្ទតុលា ហើយឃើញប្ដីនាងធ្លាប់លេងឆ្លើយឆ្លងជាមួយសង្សារចាស់ ឈ្មោះនារីដែលពេលនេះបានសុំតុលាធ្វើជាប្អូនធម៌។
